Жезуш Роналдуга яқин ўйин олдидан дам берди

«Ал-Наср» бош мураббийи Жорже Жезуш Криштиану Роналду нега навбатдаги учрашувда майдонга тушмаслигини изоҳлади. Бу ҳақда euro-football.ru хабар беради.

Ар-Риёд клуби чоршанба куни ОФК Чемпионлар Лигаси доирасида «Аркадаг»га қарши баҳс олиб боради. Португалиялик юлдуз ҳужумчи тез орада майдонга қайтиши кутилaётган бўлса-да, ушбу ўйинда ҳам унинг иштироки режалаштирилмаган.

Жезушнинг айтишича, жамоа тиқиз тақвим сабаб Роналду ва асосий таркибдаги яна бир қатор футболчиларга дам беришга қарор қилган. Мураббий бу қарорни олдинда «Ал-Фатех»га қарши муҳим учрашув тургани билан изоҳлади.

«Роналдуга дам бериш янгилик эмас. Бу Саудия Арабистонидан ташқарида ўтадиган ўйинларда у қатнашмай қолаётган биринчи ҳолат эмас», — дея Жезушнинг сўзларини келтиради Al Nassr Zone.

Саудия чемпионатидаги «Ал-Фатех» — «Ал-Наср» учрашуви шанба, 14-февраль куни бўлиб ўтади.