«Ренн» ПСЖ устидан ғалабадан кейин янги мураббий тайинлади

Франция Лигасида кетма-кет учта мағлубиятдан сўнг «Ренн» бош мураббий Ҳабиб Бейени лавозимидан бўшатди. Шундан кейин жамоани вақтинча ёшлар таркиби устози бошқарди ва «қизил-қоралар» кутилмаганда «ПСЖ»ни 3:1 ҳисобида таслим этди. Бу ҳақда euro-football.ru хабар беради.

Чоршанба куни клуб янги бош мураббий номини расман эълон қилди — «Ренн»ни энди Франк Эз бошқаради. 54 ёшли мутахассис билан тузилган шартнома 2027 йилнинг ўрталаригача мўлжалланган.

Франк Эз аввалроқ бир қатор француз клубларида ишлаб, хусусан, «Ланс» ва «Ницца»даги фаолияти билан танилган.

Ҳозирда «Ренн» Франция чемпионати турнир жадвалида 6-ўринда бормоқда. Жамоа навбатдаги учрашувини 22 февраль куни сафарда «Осер»га қарши ўтказади.