«Бока Хуниорс» янги спорт директорини тайинлаганини эълон қилди

Аргентина клуби «Бока Хуниорс» спорт директори лавозимига Марсело Делгадони тайинлаганини маълум қилди. У клуб президенти Хуан Рикелме билан яқин ҳамкорликда ишлайди. Рикелме аввалроқ «Барселона» сафида ҳам тўп сурган. Бу ҳақда euro-football.ru хабар беради.

«Бока Хуниорс» таркибни тез фурсатда кучайтиришга муҳтож ва янги раҳбарият тандеми трансфер ҳамда жамоани қайта қуриш масалаларига жиддий киришиши кутилмоқда.

Делгадо футболчилик фаолиятида ҳам танилган: у Аргентина терма жамоаси сафида 1995–2002 йилларда 18 учрашув ўтказган ва 1998 йилги Жаҳон чемпионатида ҳам иштирок этган.

Шунингдек, у 2003 йилда Либертадорес кубогида энг кўп гол урган футболчилар қаторидан жой олган — «Сантос» ҳужумчиси Рикардо Оливейра билан бирга мусобақа тўпурари бўлган.