Абдуқодир Ҳусанов Чемпионлар лигасидаги энг тезкор футболчи бўлди

"Манчестер Сити" ҳимоячиси Абдуқодир Ҳусанов жорий Чемпионлар лигаси мавсумида энг юқори тезлик кўрсатган футболчи сифатида эътироф этилди. Бу ҳақдаги статистикани CIES тақдим этди. Бу ҳақда euro-football.ru хабар беради.

Маълумотларга кўра, ўзбекистонлик ҳимоячи майдонда 35,8 км/соат тезликка чиқди. Шу тариқа у "Реал" юлдузи Килиан Мбаппе (35,67 км/соат), "Ливерпул" ҳужумчиси Уго Экитике (34,91 км/соат) ҳамда жамоадоши Эрлинг Холанд (34,87 км/соат)дан ҳам юқори натижа қайд этди.

Чемпионлар лигасининг умумий босқичи якунларига кўра, "Манчестер Сити" кучли саккизликдан жой олиб, плей-офф саралаш (стик) ўйинларисиз кейинги босқичга йўл олди. Ушбу босқич учрашувлари бугун, 17-февраль куни старт олади.