Гарсия «Барселона» мағлубиятидан кейин ўйинни таҳлил қилди

Испания чемпионати 24-турида «Барселона» сафарда «Жирона»га 1:2 ҳисобида имкониятни бой берди. Учрашувдан сўнг каталонияликлар дарвозабони Жоан Гарсия жамоанинг ўйини ҳақида фикр билдирди. Бу ҳақда euro-football.ru хабар беради.

«Менинг асосий вазифам — гол ўтказмаслик. Бу баҳсда дарвозамиз томон зарбалар керагидан ортиқ бўлди. Қанча сейв қилмай, барибир жамоа ютқазса, бунинг қиймати қолмайди», — деди Гарсия Marca нашрига.

Дарвозабоннинг таъкидлашича, «Барселона» ҳимоядаги тартибни кучайтириши керак: рақибларга жуда кўп голли вазиятлар тақдим этилмоқда. «Буны тузатиш устида ишлаймиз», — дея қўшимча қилди у.

Ушбу мағлубиятдан кейин Ҳанс-Дитер Флик шогирдлари пешқадам «Реал»дан икки очкога ортда қолмоқда.