Гарсия «Барселона»нинг мағлубиятидан кейин фикр билдирди

Испания чемпионатининг 24-турида каталониялик «Барселона» сафардa «Жирона»га 1:2 ҳисобида ютқазди. Учрашувдан сўнг «кўк-анорранглилар» дарвозабони Жоан Гарсия ўйиндан олган таассуротлари билан ўртоқлашди. Бу ҳақда euro-football.ru хабар беради.

Гарсия таъкидлашича, унинг асосий вазифаси — гол ўтказмаслик, бироқ бу баҳсда дарвозаси томон зарбалар кутилганидан анча кўп бўлган. Дарвозабоннинг айтишича, жамоа мағлуб бўлган пайтда у амалга оширган сэйвлар ҳам ўз қийматини йўқотади.

Шунингдек, у «Барселона» ўйинини яхшилаши зарурлигини қайд этди: рақибларга жуда кўп голли вазиятлар тақдим этилмоқда ва жамоа бу камчилик устида ишлаш ниятида. Футболчининг сўзларини Marca нашри келтирди.

Ушбу мағлубиятдан кейин Ханс-Дитер Флик шогирдлари пешқадам мадридлик «Реал»дан икки очко ортда қолмоқда.