«РБ Лейпциг» асосий дарвозабонидан бир муддат айрилди

Бундеслига вакили «РБ Лейпциг» камида бир ярим ой давомида тажрибали посбон Петер Гулачисиз қоладиган бўлди. Бу ҳақда клуб матбуот хизмати маълум қилди. Бу ҳақда euro-football.ru хабар беради.

Венгриялик дарвозабон яқинда «Вольфсбург»га қарши уй учрашувида жароҳат олди ва биринчи бўлимдаёқ майдонни тарк этди.

Яхши томони, футболчига операция керак бўлмайди. Тиббий хулосага кўра, унинг чап тиззасидаги медиал коллатерал бойлами узилган. Гулачи жорий мавсумда 22 та расмий ўйинда майдонга тушиб, 10 учрашувни гол ўтказмаган ҳолда якунлаган.

Ҳозирда «РБ Лейпциг» Германия чемпионати турнир жадвалида 40 очко билан 5-ўринда бормоқда.