Ковач «Боруссия» ва «Аталанта» имкониятларини тенг деб билд и
Дортмунднинг «Боруссия» бош мураббийи Нико Ковач «Аталанта»га қарши баҳслар арафасида икки жамоанинг 1/8 финалга чиқиш имкониятлари деярли бир хил эканини таъкидлади. Бу ҳақда euro-football.ru хабар беради.
Мутахассис «Аталанта»нинг кучини алоҳида қайд этди: италияликлар 2024 йилда Европа Лигаси ғолибига айланган, ўшанда жамоани Жан Пьеро Гасперини бошқарган.
«Айрим вазиятларда бўш ҳудудлардан фойдаланиб, имкониятлар яратишимиз мумкин. Бироқ “Аталанта” жуда кучли рақиб. Ўйлайманки, имкониятлар тахминан тенг», — дея Ковачнинг сўзларини УЕФА матбуот хизмати келтирди.
Ковач қарама-қаршилик кескин кечишини ҳам қўшимча қилди. Дастлабки учрашув 17 февраль куни Дортмундда бўлиб ўтади ва ўйин 01:00 да (Тошкент вақти билан) бошланади.
Жавоб баҳси 25 февраль куни Бергамода ўтказилади.