Агент Головиннинг «Монако»дан кетиш эҳтимолини баҳолади

Футбол агенти Паулу Барбоза россиялик ярим ҳимоячи Александр Головиннинг 2025/2026 йилги мавсум якунида «Монако»ни тарк этиши мумкинлиги ҳақида фикр билдирди. Бу ҳақда euro-football.ru хабар беради.

Мутахассиснинг айтишича, бундай сценарий реал: агар Головин ҳозирги даражада ўйин кўрсатишда давом этса, Европанинг топ-клубларидан жиддий таклифлар келиб тушиши эҳтимоли бор.

«У ҳозир қандай ўйнаётган бўлса, мавсум охирида албатта қизиқарли таклифлар бўлиши мумкин», — дея Барбозанинг сўзларини «Match TV» келтирди.

2025/2026 йилги мавсумда Головин 25 та учрашувда майдонга тушиб, 2 та гол урди ва 4 та голли узатма амалга оширди.

Ярим ҳимоячининг «Монако» билан шартномаси 2029 йил 30 июнгача амал қилади. Унинг бозор қиймати 18 миллион еврога баҳоланмоқда.