Слуцкий бошқарувидаги «Шанхай Шенюхуа» ОЧЛдан чиқиб кетди

Осиё Чемпионлар лигасида сешанба куни «Шанхай Шенюхуа» (Хитой) ўз майдонида «Матида Зелвия» (Япония)га 0:2 ҳисобида имкониятни бой берди. Учрашувда меҳмонлар эрта гол урди ва якунда яна бир бор рақиб дарвозасини ишғол қилди. Бу ҳақда euro-football.ru хабар беради.

«Матида Зелвия» сафида Юки Сома дубл қайд этди: у 3-дақиқада ҳисобни очди, 88-дақиқада эса якуний натижани белгилади. «Шанхай Шенюхуа» эса ўйин давомида жавоб голини ура олмади.

Ушбу мағлубиятдан сўнг Леонид Слуцкий жамоаси Осиё Чемпионлар лигасининг плей-офф босқичига чиқиш имкониятдан бутунлай айрилди. Умумий босқичнинг 7 туридан кейин «Шанхай Шенюхуа» атиги 4 очко тўплаган.

Эслатиб ўтамиз, Леонид Слуцкий хитой клубини 2023 йил охирида қабул қилиб олганди.