Францияда ПСЖнинг асосий дарвозабони кимлиги айтилди

Lequipe журнали журнaлисти Уго Делом ПСЖ дарвозабони Матвей Сафоновнинг Лига 1 доирасида «Ренн»га қарши ўйиндаги ҳаракатлари ҳақида фикр билдирди. Париж клуби сафарда 1:3 ҳисобида мағлуб бўлди. Бу ҳақда euro-football.ru хабар беради.

Деломга кўра, йирик ҳисобдаги ютқазиш учун айбни биргина дарвозабонга юклаб бўлмайди — бу бутун жамоанинг муаммоси. Журналист «Ренн» билан учрашув Сафоновнинг дарвозабонлар иерархиясига таъсир қилмайди, у биринчи рақам бўлиб қолади ва Луис Энрике ҳамон унга ишонишда давом этади, дея таъкидлади.

Франция чемпионатида 22 турдан сўнг ПСЖ 51 очко билан иккинчи ўринда бормоқда. Луис Энрике шогирдлари пешқадам «Ланс»дан бор-йўғи бир очко орқада қолган.