Роналду Европа грандларида ўйнаши мумкин, агенти қўнғироқ қилмоқда

Криштиану Роналду «Ал-Наср» билан келишмовчиликларни бартараф этди ва бойкотдан сўнг яна майдонга қайтди. Шунга қарамай, ёзда юлдузли португалиялик футболчи клубини ўзгартириши эҳтимоли бор. Бу ҳақда euro-football.ru хабар беради.

The Touchline хабарига кўра, агент Жорже Мендеш ёзги трансфер ойнаси арафасида Европанинг топ-клублари билан боғланиб, 41 ёшли Роналдуни таркибга қўшишни таклиф қилмоқда.

Аввалроқ ОАВда Роналду «Манчестер Юнайтед»дан кетганидан кейин юзага келган келишмовчиликлар сабаб Мендеш билан ҳамкорликни тўхтатгани ҳақида ёзилганди. Бироқ Transfermarkt маълумотларида Криштиану ҳануз Мендеш агентлиги мижози сифатида кўрсатилган.

Роналду ва «Ал-Наср» ўртасидаги амалдаги шартнома 2027 йил ўрталаригача мўлжалланган.