Гарри Кейн XXI асрда пенальтидан энг кўп гол урган учинчи футболчи

"Бавария" ҳужумчиси Гарри Кейн фаолиятидаги 100-пенальтини аниқ амалга оширди. Англиялик футболчи Бундеслигада "Вердер"га қарши ўйинда (3:0) 11 метрли зарбани голга айлантирди. Бу ҳақда euro-football.ru хабар беради.

Ушбу учрашувда 32 ёшли форвард яна бир муҳим маррани ҳам қайд этди — Кейн умумий ҳисобда фаолиятидаги 500-голини урди.

FIFA World Cup Stats маълумотига кўра, Кейн XXI асрда пенальтидан 100 та гол урган атиги учинчи футболчига айланди. Бу кўрсаткич бўйича ундан фақат Криштиану Роналду (181) ва Лионел Месси (112) юқорироқда турибди.

Эслатиб ўтамиз, Гарри Кейн 2023 йилда "Тоттенхэм"дан "Бавария"га кўчиб ўтган. У карьерасининг катта қисмини Лондон клубида ўтказган.