Арбелоа Алонсо давридаги «Реал» муаммосини бартараф этди
Мадриднинг «Реал» жамоасида бош мураббий Алваро Арбелоа келганидан сўнг ички муҳит барқарорлашди ва жамоа яна бир маромга тушди. Бу ҳақда euro-football.ru хабар беради.
Клубни аввал бошқарган Хаби Алонсо футболчилар билан мустаҳкам алоқа ўрната олмади, оқибатда жамоа ичида ишонч сусайди. Diario AS хабарига кўра, Арбелоа эса қисқа фурсатда коллективдаги уйғунликни қайта тиклаб, кийиниш хонасида бирдамлик муҳитини қайтарди.
Эслатиб ўтамиз, «Реал» 12 январ куни Алонсони истеъфога чиқарган ва унинг ўрнига Арбелоани тайинлаган эди. Шундан буён мадридликлар саккиз учрашув ўтказиб, олтитасида ғалаба қозонди ва иккитасида мағлуб бўлди.