Винисиус Жарима Майдонидаги Тўп Тегишларида Етакчилик Қилди

Мадриднинг «Реал» клуби ҳужумчиси Винисиус Жуниор Европанинг топ-5 чемпионатларида рақиб жарима майдонида тўпга энг кўп тегинган футболчи бўлиб турибди. Statmuse статистик портали эълон қилган маълумотлар шуни кўрсатмоқда. Бу ҳақда euro-football.ru хабар беради.

Бразилиялик вингер ҳисобида 216 та тегиниш бор. Иккинчи ўринда унинг жамоадоши Килиан Мбаппе 194 кўрсаткич билан жойлашган, учинчи поғонани эса «Барселона» вакили Ламин Ямал 187 та тегиниш билан эгаллади.

Топ-10 рўйхатига шунингдек Луис Диас («Ливерпул», 176), Эрлинг Холанн («Манчестер Сити», 151), Майкл Олисе («Бавария», 149), Лаутаро Мартинес («Интер», 141), Кенан Йилдиз («Ювентус», 135), Мохамед Салах («Ливерпул», 134) ва Янкуба Минте («Брайтон», 133) ҳам кирди.