«Манчестер Юнайтед» Мейсон Маунтни сотиб юбориши мумкин

«Манчестер Юнайтед» ярим ҳимоячиси Мейсон Маунтнинг жамоа билан боғлиқ келажаги ҳануз мавҳумлигича қолмоқда. Бу ҳақда euro-football.ru хабар беради.

27 ёшли футболчига Майкл Кэррик тизимида асосий таркибдан жой олиш осон эмас: «ўнлик» позицияси жамоанинг етакчиси ва сардори Бруно Фернандеш томонидан банд. Англия ОАВ хабарларига кўра, «қизил иблислар» Маунтни тахминан 20 млн фунт (23 млн евро) эвазига сотиш вариантини ҳам кўриб чиқиши мумкин.

Transfermarkt портали эса ярим ҳимоячининг бозор қийматини 32 млн еврога баҳоламоқда. «Челси»нинг собиқ футболчиси билан амалдаги шартнома 2028 йилгача мўлжалланган, унда яна бир йилга узайтириш банди ҳам бор.