Арбелоа «Реал»нинг йирик ғалабасини ажойиб деб атади

Мадриднинг «Реал» жамоаси бош мураббийи Альваро Арбелоа Ла Лигада «Реал Сосьедад» устидан қўлга киритилган йирик ғалабадан (4:1) сўнг ўз таассуротларини билдирди. Бу ҳақда euro-football.ru хабар беради.

«Қаймоқранглилар» уч очкони Гонсало Гарсия, Винисиус Жуниор (дубль) ва Федерико Вальверде киритган голлар эвазига қўлга киритди. Меҳмонлар сафида эса Микел Оярсабаль бир бор аниқ зарба билан жавоб қайтарди.

«Бу — ишониб бўлмас ғалаба. «Реал Сосьедад» биз билан ўйин олдидан 12 учрашувдан иборат мағлубиятсиз серияга эга эди, аммо биз машғулотларда жуда пухта тайёрландик ва режадагиларни майдонда тўлиқ бажардик», — дея Арбелоанинг сўзларини келтиради Madrid Universal.

Ушбу натижадан кейин мадридликлар «Барселона»ни икки очкога ортда қолдириб, турнир жадвалида яна пешқадамга айланди. Бироқ каталонияликларнинг захирада битта ўйини бор.