Жезуш Роналдунинг навбатдаги ўйинни ўтказиб юборишини айтди

"Ал-Наср" бош мураббийи Жорже Жезуш Криштиану Роналду нега яқинлашиб келаётган учрашувда майдонга тушмаслигини изоҳлаб берди. Бу ҳақда euro-football.ru хабар беради.

Ар-Риёд клуби чоршанба куни ОФК Чемпионлар лигасида "Аркадаг"га қарши баҳс олиб боради. Португалиялик ҳужумчи бойкотдан сўнг тез орада қайтиши кутилаётгандӣ, аммо бу ўйинда у яна қайдномага киритилмади.

Жезушнинг таъкидлашича, зич тақвим сабаб Роналду ва асосий таркибдаги бир қатор футболчиларга дам бериш ҳақида қарор қабул қилинган. Мураббий олдинда "Ал-Фатеҳ"га қарши муҳим беллашув турганини алоҳида урғуладӣ.

Шунингдек, у Роналдунинг Саудия Арабистонидан ташқарида ўтадиган ўйинларни вақти-вақти билан ўтказиб юбориши янгилик эмаслигини, бу ҳолат аввал ҳам бир неча бор кузатилганини эслатди.

Саудия чемпионати доирасидаги "Ал-Фатеҳ" — "Ал-Наср" учрашуви шанба, 14-февраль куни бўлиб ўтади.