«Бока Хуниорс» спорт директори лавозимига Марсело Делгадо тайинланди

Аргентинанинг «Бока Хуниорс» клуби янги спорт директорини расман эълон қилди — бу лавозимни Марсело Делгадо эгаллади. У клуб президенти Хуан Рикелме билан яқин ҳамкорликда ишлайди. Рикелме аввал «Барселона» сафида ҳам тўп сурган футболчи сифатида танилган. Бу ҳақда euro-football.ru хабар беради.

Клуб таркибини тезкор кучайтиришга муҳтож экани таъкидланмоқда ва энди Делгадо ҳамда Рикелме дуэти айнан шу йўналишда иш олиб бориши кутилмоқда.

Делгадо футболчилик фаолияти давомида Аргентина терма жамоасида ҳам ўйнаган: 1995–2002 йиллар оралиғида миллий жамоа сафида 18 та учрашувда майдонга тушган, жумладан 1998 йилги жаҳон чемпионатида ҳам қатнашган.

Шунингдек, у 2003 йилда Либертадорес кубогининг энг сермаҳсул футболчилари қаторидан жой олган — Делгадо бу совринни «Сантос» ҳужумчиси Рикардо Оливейра билан бирга бўлишиб олган.