Ермаков Трубиннинг «Реал» дарвозасига урган голига қойил қолди

«Пари НН» ярим ҳимоячиси Никита Ермаков «Бенфика» дарвозабони Анатолий Трубиннинг «Реал» дарвозасига киритган голи унга қандай таассурот қолдирганини айтиб берди. Бу ҳақда euro-football.ru хабар беради.

Эслатиб ўтамиз, Чемпионлар лигасининг 8-турида Трубин қўшиб берилган дақиқаларда гол уриб, португалияликларнинг плей-оффга чиқишига катта ҳисса қўшди.

Ермаковнинг сўзларига кўра, бу эпизод худди кинодагидек кўринган ва у бундай ҳолатни ҳали ҳеч қачон кўрмаганини таъкидлади.

Қайд этиш жоиз, қуръа натижаларига биноан «Реал» ва «Бенфика» Чемпионлар лигаси плей-оффининг саралаш (стиковой) босқичида яна ўзаро тўқнаш келади. Дастлабки учрашув 17-февраль куни Лиссабонда, жавоб ўйини эса 25-февраль куни Мадридда бўлиб ўтади.