Наумов Моуринью учун Саудия чемпионатини мос кўрди

«Локомотив»нинг собиқ президенти Николай Наумов «Бенфика» бош мураббийи Жозе Моуринью фаолиятини давом эттириши мумкин бўлган чемпионат ҳақида фикр билдирди. У бу ҳақда «Евро-Футбол.Ru» нашрига берган интервьюсида гапирди. Бу ҳақда euro-football.ru хабар беради.

Наумовнинг таъкидлашича, Моуриньюнинг энг ёрқин даври ортда қолган бўлиши мумкин. Унинг фикрича, португалиялик мутахассисга бироз танаффус керак, чунки у замонавий футболдаги ўзгаришлардан ортда қолган ва авваллари сирли ҳамда кутилмаган қарорлари билан ажралиб турган бўлса, ҳозир кўпроқ оддийроқ мураббий сифатида кўринмоқда.

Шу сабаб эксперт Моуринью учун Саудия Арабистони чемпионати айни муддао бўлишини айтди. Наумов у ерда маошлар юқорилиги, шов-шувлар тез-тез учраши ва тажрибали, ёши катта юлдуз футболчилар билан ишлаш имконияти борлигини таъкидлади.

Моуринью бошқарувидаги «Бенфика» Чемпионлар лигаси 1/16 финалида Мадриднинг «Реал» жамоасига қарши майдонга тушади. Дастлабки учрашув 17 февраль куни Португалияда бўлиб ўтади.