«Ал-Ҳилол» арабларда Нунесни рўйхатдан чиқарди, Бензема қўшилди

Уругвайлик ҳужумчи Дарвин Нунес мавсумнинг қолган қисмида араб чемпионати ўйинларида майдонга тушмайди. «Ал-Ҳилол»нинг италиялик бош мураббийи клубга келиб қўшилган Карим Бенземани рўйхатга киритиш учун Нунесни ички чемпионат қайдномасидан чиқариб ташлади. Бу ҳақда euro-football.ru хабар беради.

Шу билан бирга, Нунес жамоанинг Осиё Чемпионлар Лигаси учрашувлари учун тузилган қайдномасида сақлаб қолинган.

Эслатиб ўтамиз, футболчи аввалроқ Испаниянинг «Алмерия», Португалиянинг «Бенфика» ва Англиянинг «Ливерпул» клубларида ўйнаган. У 2019 йилдан буён Уругвай терма жамоасига мунтазам жалб этилиб келади ва ҳозиргача миллий жамоа сафида 13 та гол урган. Нунес 2022 йилги Қатар жаҳон чемпионатида ҳам иштирок этган.