Жикия «Антальяспор»ни тарк этиши мумкин, агент сабабини айтди

Россиялик ҳимоячи Георгий Жикиянинг агенти Малик Арутюнов футболчининг келажаги борасида изоҳ берди. Бу ҳақда euro-football.ru хабар беради.

Агентнинг сўзларига кўра, Жикия Туркиядаги ҳаётдан умуман олганда мамнун, бироқ клубда маошлар кечиктирилаётгани уни норози қилган. Шу сабаб у Россия Премьер-лигаси жамоаларидан тушаётган вариантларни кўриб чиқмоқда. Арутюнов таъкидлашича, маошдаги кечикишлар ноябрь ойидан бери давом этмоқда.

32 ёшли ҳимоячи ўтган ёзда «Антальяспор» сафига қўшилганди. У турк клуби билан икки йиллик шартнома имзолаган.

Жорий мавсум Туркия Суперлигасида Жикия 12 та учрашувда майдонга тушди, 2 та гол урди ва 3 та сариқ карточка олди.