Жезуш Роналдунинг навбатдаги ўйинни ўтказиб юборишини изоҳлади

"Ал-Наср" бош мураббийи Жорже Жезуш Криштиану Роналдунинг яқинлашаётган учрашувда майдонга тушмаслиги сабабини маълум қилди. Бу ҳақда euro-football.ru хабар беради.

Ар-Риёд жамоаси чоршанба куни ОФК Чемпионлар лигасида "Аркадаг"га қарши баҳс олиб боради. Португалиялик юлдуз ҳужумчи бойкотдан сўнг тез орада қайтиши кутилаётгани айтилган бўлса-да, бу сафар ҳам у таркибда бўлмайди.

Жезушнинг таъкидлашича, тиқиз тақвим сабаб Роналду ва асосий таркибдаги яна бир нечта футболчига дам бериш қарори қабул қилинган. Мураббий олдинда "Ал-Фатеҳ"га қарши муҳим ўйин турганини урғулади.

"Al Nassr Zone" келтирган иқтибосда Жезуш, Роналдунинг дам олиши янгилик эмаслигини, Саудия Арабистонидан ташқарида ўтадиган учрашувларда у аввал ҳам бир неча бор майдонга тушмаганини эслатиб ўтди.

Саудия чемпионатидаги "Ал-Фатеҳ" – "Ал-Наср" учрашуви шанба куни, 14 февралда бўлиб ўтади.