Дензел Дюмфрис «Милан»га қарши ўйинга қайтишга яқин

Нидерландиялик яримҳимоячи Дензел Дюмфрис жароҳатдан кейинги узоқ реабилитацияни якунлаб, «Интер» сафида майдонга қайтишга жуда яқин. Бу ҳақда euro-football.ru хабар беради.

Манбаларга кўра, футболчи февраль ойидаёқ жамоага ёрдам бера бошлаши мумкин. Энг муҳими, у 8-март куни бўлиб ўтадиган «Милан»га қарши принципиал учрашувда деярли аниқ иштирок этиши кутилмоқда.

Миланликлар штаби айнан шуни кутмоқда: «Интер» ҳозир А Серия турнир жадвалида етакчи бўлиб турибди ва «Милан»дан саккиз очкога олдинда, рақибнинг эса битта ўйини захирада бор.

Эслатиб ўтамиз, «Интер» Италия чемпионлигини охирги бор 2024 йилда қўлга киритган.