Роналдунинг қизи билан залда машғулот қилгани кўрсатилди
Криштиану Роналдунинг жуфти Жоржина Родригес ижтимоий тармоқларда янги сурат улашди. Кадрда юлдуз ҳужумчи спорт залида гантеллар билан шуғулланаётгани акс этган. Бу ҳақда euro-football.ru хабар беради.
41 ёшли футболчи ёнида унинг қизларидан бири ҳам бор. Қизи ҳам гантел кўтарган, бироқ у кичик, пушти рангли мини гантеллар эди. Жоржина суратга "Дада" деб изоҳ қолдирган.
Аввалроқ Жоржина Роналдуни туғилган куни билан табриклаган пост жойлаган, бироқ у футболчининг 41 ёшга тўлганидан бир кун ўтиб эълон қилингани билан эътиборни тортганди.
Сўнгги пайтларда Роналду "Ал-Наср"нинг бир неча учрашувини ўтказиб юборди. ОАВда португалиялик футболчи клуб бошқарувидан норози бўлгани сабабли ўйинларни бойкот қилаётгани ҳақида хабарлар ҳам тарқалган.