Жикия «Антальяспор»даги ҳолати бўйича қисқа изоҳ берди

«Антальяспор» ҳимоячиси Георгий Жикия Туркиядаги фаолияти юзасидан берилган саволларга жавоб қайтарди. 32 ёшли футболчининг сўзлари акс этган видео «FNL s Ilyovym» телеграм-каналида эълон қилинди. Бу ҳақда euro-football.ru хабар беради.

Жикиядан клубдаги ишлари қандай кетаётгани сўралганда, у ҳаммаси жойида эканини айтди. Шунингдек, Туркиядаги шароитлар ҳам уни тўлиқ қониқтираётганини табассум билан тасдиқлади.

Жикия «Антальяспор» сафини ўтган ёзда тўлдирган. Шу вақтгача у 13 та учрашувда майдонга тушиб, икки бор гол урди.

Айни пайтда «Антальяспор» Туркия Суперлигаси турнир жадвалида 14-ўринда бормоқда. Жамоа навбатдаги ўйинини 13 февраль куни ўз майдонида «Самсунспор»га қарши ўтказади.