Бола Москва яқинидаги даҳшатли фалокатда ҳалок бўлди
0
Москва вилоятининг Солнечногорск шаҳрида Ленинград шоссесининг 38-километрида содир бўлган ЙТҲ оқибатида икки ёшли бола вафот этди. Бу ҳақда Москва вилояти полицияси матбуот хизмати хабар берди.
Дастлабки маълумотларга кўра, 23 ёшли Lada ҳайдовчиси бошқарувни йўқотиб, Scania юк машинаси билан тўқнашган. Енгил автомобиль салонида бўлган бола ўлимга олиб келадиган даражада тан жароҳати олган.
Унинг онаси жароҳат олиб, шифохонага ётқизилган. Давлат автомобиль назорати ходимлари ҳодисанинг барча тафсилотларини аниқламоқда.