Челси Педру Нетуну ёзда сотиб юбориши мумкин

Челсининг қанот ҳужумчиси Педру Нету жорий ёзги трансфер ойнасида Лондон клубини тарк этиши эҳтимоли бор. Бу ҳақда euro-football.ru хабар беради.

TopSkills Sports UK хабарига кўра, "кўклар" португалиялик футболчини сотишга тайёр. Таъкидланишича, Нету бош мураббий Лиам Розеньор режалари қаторидан жой олмаган. Мутахассис келаси мавсум ўнг қанотда Эстевао ҳамда ёзда "Спортинг"дан Челсига келадиган Жеовани Кандага устунлик беришни мақсад қилган.

Манбага кўра, Педру Нету трансферига Мадриднинг "Атлетико" клуби қизиқиш билдирмоқда.

Нету 2024 йилда "Вулверхемптон"дан Челсига 60 миллион евро эвазига ўтган. Унинг шартномаси 2031 йил 30 июнгача амал қилади. Жорий мавсумда у барча турнирларда 37 ўйинда майдонга тушиб, 7 та гол урди ва 4 та голли узатмани амалга оширди.