«Ал-Наср» мураббийи Роналду нега ўйнамайотганини тушунтирди

«Ал-Наср» бош мураббийи Жорже Жезуш Криштиану Роналдунинг навбатдаги учрашувни ўтказиб юборишига изоҳ берди. Бу ҳақда euro-football.ru хабар беради.

Ар-Риёд клуби чоршанба куни ОФК Чемпионлар лигаси доирасида «Аркадаг»га қарши майдонга тушади. Қайд этилишича, португалиялик юлдуз ҳужумчи бўйича узилишлардан сўнг тез орада сафга қайтиши кутилган эди, бироқ бу баҳсда ҳам у таркибда бўлмайди.

«Жуда тиғиз тақвим сабаб Роналдуга ва асосий таркибдаги яна бир қатор футболчиларга дам беришга қарор қилдик. Олдинда «Ал-Фатҳ»га қарши муҳим ўйин бор», — деди Жезуш. Унинг сўзларини Al Nassr Zone келтирди.

Мураббий таъкидлашича, Роналдунинг дам олиши янгилик эмас: у Саудия Арабистонидан ташқарида ўтадиган ўйинларда биринчи бор иштирок этмаётгани йўқ.

Саудия чемпионатининг «Ал-Фатҳ» — «Ал-Наср» учрашуви шанба куни, 14-февралда бўлиб ўтади.