Луис Энрике Кварацхелия ПСЖ учун жуда муҳим дейди

ПСЖ бош мураббийи Луис Энрике жамоа вингери Хвича Кварацхелиянинг ўйини ва соғайиб сафга қайтгани ҳақида фикр билдирди. Бу ҳақда euro-football.ru хабар беради.

Мутахассиснинг айтишича, клуб футболчини шоширмай, унинг майдонга қайтишини пухта режа асосида ташкил этган. Энрике Кварацхелияни ПСЖ учун асосий фигурадир, деб ҳисоблайди ва у мавсумнинг иккинчи ярмида жамоанинг катта мақсадлари йўлида ҳал қилувчи роль ўйнашини таъкидлади. Бу ҳақдаги иқтибосларни журналист Фабритсио Романо келтирди.

Жорий мавсумда 24 ёшли футболчи барча турнирларда 28 та учрашувда қатнашиб, 8 та гол урди ва 6 та голли узатмага муаллиф бўлди.

Франция чемпионатининг 21-туридан сўнг ПСЖ 51 очко билан турнир жадвалида пешқадам бўлиб турибди.