Чемпионлар лигаси финали учун расмий тўп намойиш этилди

Чемпионлар лигасида умумий босқич якунига етди. Энди навбат плей-оффга: 16 жамоа плей-ин (стиковой) раундида тўқнаш келиб, 1/8 финал йўлланмаси учун курашади. Умумий босқичнинг энг кучли саккиз жамоаси эса 1/8 финалга аллақачон йўл олган. Бу ҳақда euro-football.ru хабар беради.

Шу орада УЕФА Чемпионлар лигаси финалида ишлатиладиган расмий тўпни тақдим этди. Дизайн асосан тўқ рангларда бўлиб, унда оқ юлдузлар акс этган. Тўп Adidas томонидан ишлаб чиқарилган.

2025/2026 йилги мавсум финали Будапештда ўтказилади. “Қулоқли” кубок учун ҳал қилувчи баҳс 30 май, шанба куни бўлиб ўтади.

Ҳозирги амалдаги чемпион — ПСЖ. Ўтган финалда парижликлар “Интер”ни йирик ҳисобда мағлуб этиб, 5:0 натижа қайд этганди.