«Бавария» ёзги трансферларда эҳтиёткор йўл тутмоқчи

Мюнхеннинг «Бавария» клуби ёзги трансферлар бўйича стратегиясини белгилаб олди. The Touchline хабарига кўра, жамоа хавфи паст, аммо кейинчалик катта фойда келтириши мумкин бўлган футболчиларга устуворлик бермоқчи. Бу ҳақда euro-football.ru хабар беради.

Немис гранди бир нечта ёш иқтидорларни таркибга қўшишни кўзламоқда: улар ёки дарҳол асосий жамоада ўйнашга тайёр бўлади, ёки вақт ўтиб трансфер бозорида қимматга сотилиб, клубга даромад келтиради.

Шу боис, «Бавария» бу йил катта юлдузлар ортидан қувишни режалаштирмоқда, деган гаплар йўқ. Клуб ички ресурс ва истиқболли кадрлар билан йўлини давом эттириш ниятида.

Ҳозирча «Бавария» Германия чемпионатида пешқадам бўлиб турибди ва аста-секин Чемпионлар лигаси 1/8 финалининг март ойидаги баҳсларига тайёргарлик кўрмоқда. Рақиб эса қиш охирида аниқ бўлади.