Риберининг адвокати унга қўйилган айбловларни рад этди

Яқинда ошкор қилинган “Эпштеин файллари” дунё бўйлаб катта шов-шувга сабаб бўлди. Ҳужжатларда футбол олами ҳам тилга олинган бўлиб, улар орасида Франция терма жамоасининг собиқ футболчиси ва “Бавария”нинг экс юлдузи Франк Рибери номи ҳам учради. Бу ҳақда euro-football.ru хабар беради.

Вазиятдан сўнг Риберининг манфаатларини ҳимоя қилаётган адвокат Карло Альберто Бруза ижтимоий тармоқларда баёнот берди. У тарқалаётган маълумотларни ёлғон, деб атади.

“Бу — фейк! Эртага жаноб Риберининг адвокати сифатида чиқаман ва мижозим ҳамда унинг оиласи шаънига путур етказаётган ёлғон хабарларни тарқатганларни жазолаш учун барча зарур ҳуқуқий чораларни кўраман”, — деб ёзди Бруза.

Маълум қилинишича, Рибери исми эълон қилинган файлларнинг уч саҳифасида учрайди. Тахмин қилинаётган жабрланувчи уни ноқонуний фоҳишалик билан боғлиқ алоқаларда айблаган, шунингдек Риберининг илтимосига кўра учинчи шахс бошқа бир одамга ҳужум қилганини ҳам таъкидлаган.