Жикия Антальяспордаги ҳолати ҳақида қисқа фикр билдирди

Туркиянинг Антальяспор клуби футболчиси Георгий Жикия жамоада ўзини қандай ҳис қилаётгани борасидаги саволларга жавоб берди. 32 ёшли ҳимоячининг бу гаплари FNL с Иловым телеграм-каналида эълон қилинган видеода кўрсатилди. Бу ҳақда euro-football.ru хабар беради.

Жикиядан Антальяспордаги ишлари қандай кетаётгани сўралганда, у ҳаммаси жойида эканини айтди. Туркиядаги шароитлар ҳам уни тўлиқ қониқтираётганини футболчи кулиб туриб таъкидлади.

Жикия ўтган ёзда Антальяспор сафига қўшилганди. Шундан бери у 13 та учрашувда майдонга тушиб, 2 та гол урди.

Ҳозир Антальяспор Туркия Суперлигаси турнир жадвалида 14-ўринда бормоқда. Жамоа навбатдаги ўйинини 13-февраль куни ўз майдонида Самсунспорга қарши ўтказади.