Почеттино АПЛни албатта ютаман дея ваъда берди
«Тоттенҳэм»нинг собиқ бош мураббийи Маурисио Почеттино Англия Премьер-лигасини соғинганини яширмади. Мутахассис АПЛга қайтишига ишонади ва у ерда чемпионликни ҳам қўлга киритиши мумкинлигини таъкидлади, бироқ бу қачон ва қайси жамоа билан рўй беришини аниқ айта олмади. Бу ҳақда euro-football.ru хабар беради.
«Яна уриниб кўраман. АПЛни ютиш — менинг орзум. Қайси жамоа билан ва қачонлигини билмайман, лекин буни қилишга тайёрман. Ҳозир мураббий сифатида энг кучли давримдаман», — дея Почеттинонинг сўзларини derbyderbyderby.it келтирди.
Айни пайтда Почеттинонинг собиқ клуби бўлган Лондоннинг «Тоттенҳэм» жамоаси чемпионат турнир жадвалида 15-ўринда бормоқда.