Микел Мерино операциядан сўнг қайтиш режалари билан чиқди
“Арсенал” ярим ҳимоячиси Микел Мерино оёғидаги жиддий жароҳатдан сўнг жарроҳлик амалиётини бошдан кечирди. Футболчи шифохона палатасидан олинган суратни ижтимоий тармоқларга жойлади ва мухлисларга мурожаат қилди. Бу ҳақда euro-football.ru хабар беради.
Меринонинг айтишича, операция муваффақиятли ўтган: у энди майдонга қайтишга яна бир қадам яқинлашганини таъкидлади. Шунингдек, футболчи йўлланган хабарлар ва қўллаб-қувватлов учун барчага миннатдорлик билдириб, бу ёрдам унга синовдан ўтишда қўшимча куч бераётганини ёзди.
2025/2026 йилги мавсумда Мерино 33 та учрашувда майдонга тушиб, 6 та гол урди ва 3 та голли узатмани амалга оширди.
“Арсенал” АПЛ турнир жадвалида пешқадамлик қилмоқда ва клуб 2004 йилдан буён илк бор Англия чемпиони бўлишни мақсад қилган.