«Ал-Наср» Роналдунинг икки талабини бажариб, муросага келди

Криштиану Роналду жамоа ичидаги норозилик кайфиятини якунламоқда. Португалиялик юлдуз дам олиш кунлари Саудия Арабистони чемпионатида «Ал-Фатеҳ»га қарши ўйинда майдонга тушиши кутилмоқда. Бу ҳақда euro-football.ru хабар беради.

A Bola хабарига кўра, «Ал-Наср» раҳбарияти Роналду босими фонида икки муҳим масалада ён берди. Аввало, Ар-Риёд клуби сўнгги соатларда ходимлар олдидаги қарздорликларни ёпди. Шунингдек, Роналдуга яқин ҳисобланган спорт бўлими вакиллари — Жозе Семеду ва Симау Континьо — ўз ваколатларини қайта тиклади. Аввалроқ бу икки функционер қишки трансфер кампанияси жараёнида асосий рол ўйнай олмаган эди.

Ҳозирда «Ал-Наср» Про-лига жадвалида иккинчи ўринда бормоқда ва етакчи «Ал-Ҳилол»дан атиги бир очко ортда қолмоқда.