«Бока Хуниорс» спорт директори лавозимига Марсело Делгадо келди
Аргентина гранди “Бока Хуниорс” клубида янги спорт директори тайинланди. Бу лавозимни Марсело Делгадо эгаллади ва у клуб президенти Хуан Рикелме билан яқин ҳамкорликда ишлайди. Аввалроқ “Барселона” сафида ҳам тўп сурган Рикелме билан бирга Делгадо жамоани тезкор кучайтириш масалалари устида ишлаши керак. Бу ҳақда euro-football.ru хабар беради.
Делгадо футболчилик фаолиятида Аргентина терма жамоасига ҳам жалб этилган: у 1995–2002 йилларда миллий жамоа сафида 18 учрашувда майдонга тушиб, 1998 йилги жаҳон чемпионатида ҳам иштирок этган. 2003 йилда эса у “Сантос” ҳужумчиси Рикардо Оливейра билан бирга Либертадорес кубогининг энг яхши тўпурари бўлганди.