Кроос Роналдунинг Саудия лигасидаги норозилигига муносабат билдирди

Мадриднинг "Реал" клуби ва Германия терма жамоасининг собиқ ярим ҳимоячиси Тони Кроос Саудия Арабистонида Криштиану Роналдунинг "бойкот"и атрофидаги вазиятга тўхталди. Португалиялик юлдуз трансфер сиёсатидаги норозилиги сабаб "Ал-Наср"нинг сўнгги учрашувларида майдонга тушмагани айтиламоқда. Бу ҳақда euro-football.ru хабар беради.

Кроос ўз подкастида Саудия чемпионати Роналдунинг келишидан олдин кенг оммага деярли таниш бўлмаганини таъкидлади. Унинг фикрича, ҳозир лигадаги айрим муносабатлар машҳурлик олиб келган футболчига нисбатан ҳурматсизлик кўринишида кўринмоқда: агар Криштиану бу чемпионатни тарк этса, мусобақага қизиқиш кескин пасайиши мумкин.

Эслатиб ўтамиз, Роналду "Ал-Наср"га 2023 йил қишида қўшилган. Ҳужумчининг Саудия клуби билан амалдаги шартномаси 2027 йил июн ойи охиригача мўлжалланган, унинг трансфер қиймати 12 миллион еврога баҳоланмоқда.