Кефрен Тюрам «Ювентус» дурангидан сўнг ҳафсаласи пир бўлди

«Ювентус» ярим ҳимоячиси Кефрен Тюрам А Серияда «Лацио»га қарши 2:2 ҳисобидаги дурангдан кейин журналистлар билан фикр алмашди. Бу ҳақда euro-football.ru хабар беради.

Туринликлар учрашувда 0:2 ҳисобида ортда қолиб кетди, бироқ Уестон Маккенни ва Пьер Калюлюнинг аниқ зарбалари эвазига ҳисобни тенглаштирди. Қутқарувчи гол ўйин якунида, 95-дақиқада урилди.

«Натижадан ҳафсаламиз пир бўлди. Жуда яхши ўйнадик, кўплаб голли вазиятлар яратдик. Менимча, 100 фоиз кучимизни бердик ва ўзимизни яхши томондан кўрсатдик, аммо афсуски ғалаба қозона олмадик.

Кейинги ўйин «Интер»га қарши? Жуда кучли рақиб, лекин «Ювентус» ҳар доим ғалаба учун майдонга тушиши керак», — дея Тюрамнинг сўзларини келтиради «Gazeta.Ru».

Лючано Спаллетти жамоаси 24-турдан сўнг турнир жадвалида тўртинчи ўринда бормоқда.