Слуцкой бошчилигидаги «Шанхай Шэньхуа» яна ютқазди

Леонид Слуцкой бошқарувидаги «Шанхай Шэньхуа» Осиё Чемпионлар лигасининг умумий босқичи 6-турида яна очкосиз қолди. Хитой клуби сафардa «Санфречче Хиросима»га 0:1 ҳисобида имкониятни бой берди. Бу ҳақда euro-football.ru хабар беради.

Учрашувдаги ягона гол 78-дақиқада киритилди: мезбонлар ҳимоячиси Ҳаято Араки ҳал қилувчи зарбани йўллади. Бу мағлубият «Шанхай Шэньхуа» учун турнирдаги кетма-кет учинчи ютқазиш бўлди.

Олти турдан кейин Слуцкой жамоаси 4 очко билан жадвалда 11-ўринда бормоқда. «Хиросима» эса 11 очко жамғарган ҳолда учинчи поғонада жойлашган.