Почеттино Тоттенхэмнинг ҳозирги ҳолатига баҳо берди

Тоттенхэмнинг собиқ бош мураббийи Маурисио Почеттино жамоа дуч келаётган навбатдаги муаммолар ва натижалар борасида ўз фикрини билдирди. Бу ҳақда euro-football.ru хабар беради.

25 турдан сўнг “шпорлар” Англия Премйер-лигаси жадвалида 15-ўринни эгаллаб турибди. Ўтган мавсумда эса лондонликлар 17-поғонада якунлаган, бироқ шунга қарамай, Европа Лигасида ғолиб чиққанди.

Почеттинонинг таъкидлашича, Европа Лигаси кубоги ёқимли ютуқ бўлса-да, бу клуб учун етарли эмас. Унга кўра, Тоттенхэм доим Чемпионлар Лигасида ўйнаши, мухлислар эса жамоа Премйер-лига ва Чемпионлар Лигасида чемпионлик учун курашишини кутади. Ҳозирда аргентиналик мутахассис АҚШ терма жамоасида фаолият юритмоқда.

Эслатиб ўтамиз, Почеттино Тоттенхэмни 2014 йилдан 2019 йилгача бошқарган.