«Ривер Плейт» «Монументал» стадионини 101 минг ўринга етказади

Аргентиналик «Ривер Плейт» клуби «Монументал» стадионини кенгайтириш бўйича янги лойиҳани эълон қилди. Режага кўра, арена сиғими 101 минг томошабингча оширилади. Бу ҳақда euro-football.ru хабар беради.

Кенгайиш 16 минг ўринни ташкил этади: ҳозирда стадион 85 минг мухлисни қабул қила олади. Қурилиш ишлари апрель ойида старт олади ва тахминан 36 ой — уч йил давом этади. Янгиланган «Монументал» 2029 йилдан бошлаб 100 мингдан ортиқ томошабинга хизмат қилиши кутилмоқда.

Сиғим бўйича «Монументал» «Камп Ноу»ни ортда қолдиради, бироқ барибир Пхеньянда 80-йилларнинг иккинчи ярмида қурилган Шимолий Кореянинг «1 Май» номидаги «Ныннадо» стадионидан кичикроқ бўлиб қолади.