Хоразмда амалдорларнинг бизнеси фош бўлди: Антикоррупция агентлиги шахсий фирмаларга эга 60 га яқин хизматчини аниқлади
Хоразм вилоятида давлат фуқаролик хизмати тўғрисидаги қонун талаблари оммавий бузилгани ортидан коррупция можароси кучаймоқда. Коррупцияга қарши курашиш агентлиги текширувлари натижасида ҳудудда қарийб 60 нафар давлат хизматчиси асосий лавозими билан бирга тадбиркорлик фаолияти билан ҳам шуғуллангани аниқланган. Бу ҳақда podrobno.uz хабар беради.
Расмий маълумотларга кўра, 2025 йилда вилоятда коррупцияга оид жиноятлар 2024 йилга нисбатан 34 фоизга камайган. Бироқ маҳаллий ҳокимият тизимида вазият ҳануз хавотирли экани қайд этилмоқда.
Агентлик директори Акмал Бурхоновнинг айтишича, вилоят, туман ва шаҳар ҳокимликларида ўтказилган текширувлар чоғида 60 га яқин раҳбар ходим турли тижорат тузилмаларида таъсисчи ёки раҳбар сифатида расман рўйхатда тургани маълум бўлган. Амалдаги қонунчилик эса мансабдор шахсларга бизнес билан шуғулланиш, тадбиркорлик субъэктларини ташкил этиш ёки уларда ташкилий-бошқарув вазифаларини бажаришни қатъиян тақиқлайди.
2025 йилда айнан шу турдаги қоидабузарликлар ва манфаатлар тўқнашуви бўйича 12 киши маъмурий жавобгарликка тортилган. Янги аниқланган ҳолатлар муаммо якка ҳолат эмас, тизимли тус олаётганини кўрсатмоқда.
Текширув якунлари бўйича Миллий кенгашга 10 нафардан ортиқ масъул раҳбарга нисбатан қатъий чоралар кўриш бўйича таклифлар киритилган. Агентлик бундай “икки стулда ўтириш” уринишлари қонун бузилиши билангана чекланмай, ҳудудда яширин схемалар ва инсофсиз рақобат учун замин яратишини таъкидламоқда.