“Ташаббусли бюджет”нинг 2026 йилги илк мавсуми қачон бошланади?

Жорий йил 1 февралдан “Ташаббусли бюджет” жараёнининг 2026 йилги илк мавсуми бошланади. Ушбу мавсум “Ташаббусли бюджет” амалиёти жорий этилганидан буён ўтказилаётган ўнинчи — юбилей мавсум экани қайд этилди.

Маълум қилинишича, жараён бир нечта босқичда ташкил этилади. Хусусан, 1–20 февраль кунлари лойиҳаларни киритиш, 21 февралдан 7 мартгача лойиҳаларни саралаш босқичи ўтказилади. 8–10 март кунлари тарғибот ишлари олиб борилади.

11–20 март кунлари овоз бериш босқичи бўлиб ўтади, 21–31 март оралиғида эса қўшимча ғолиблар эълон қилинади. Анъанавий овоз бериш якунларига кўра ғолиб лойиҳалар 21 март — Наврўз байрами куни маълум қилинади.