Клозе Месси ва Мбаппе унинг ЖЧ рекордини янгилашига ишонади
Германия терма жамоасининг собиқ ҳужумчиси Мирослав Клозе Жаҳон чемпионатларидаги голлар рекорди яқин йилларда барибир янгиланишини айтди. Бу ҳақда euro-football.ru хабар беради.
Клозе тўртта мундиалда иштирок этиб, жами 16 бор рақиб дарвозасини ишғол қилган. Ҳозирда фаол футболчилар орасида унга энг яқинлар — Лионел Месси (13 гол) ва Килиан Мбаппе (12 гол).
Bild келтирган иқтибосда Клозе рекорди тез орада қулашга ишонишини таъкидлади: у буни Месси 2026 йилда амалга ошириши мумкинлигини, Мбаппе эса 2026 ёки 2030 йилларда бу маррага етиши эҳтимолини юқори баҳолади. Шунингдек, у Мессининг мухлиси эканини айтиб, фаолиятини давом эттирса омад тилади, Мбаппенинг истеъдодини ҳам алоҳида қайд этди. Клозе икки футболчи соғ бўлиб, энг юқори савиясини кўрсатишини исташини билдирди ва барибир ўзида ҳали ҳам энг яхши статистика борлигини, энг муҳими эса мундиалда тўрт марта ярим финалгача етиб борган ягона футболчи эканини эслатди.
Месси 2022 йил Қатар мундиалида чемпион бўлган, Мбаппе 2018 йил Россиядаги турнирда кубокни қўлга киритган. Клозе эса 2014 йил Бразилияда ўз терма жамоаси билан дунё чемпионлигини нишонлаган.