Жикия агенти ҳимоячининг «Антальяспор»ни тарк этиши ҳақида гапирди

«Антальяспор» ҳимоячиси Георгий Жикиянинг агенти Владимир Кузьмичёв футболчининг келажаги борасида изоҳ берди. Бу ҳақда euro-football.ru хабар беради.

Агентнинг айтишича, Жикиянинг аҳволи яхши ва клуб у билан ҳисоблашмоқда. Сўнгги учрашувларда у майдонга тушмагани эса микрожароҳат билан боғлиқ бўлган, ҳозир эса тўлиқ тикланган. Кузьмичёв фикрича, ҳимоячи кейинги ўйинда яна таркибда бўлиши мумкин.

Аввалроқ ОАВда турк клуби «Спартак»нинг собиқ сардори билан хайрлашишни истаётгани ҳақида хабарлар тарқалган эди.

Жикия Туркия чемпионатининг жорий мавсумида 12 та учрашувда қатнашиб, 2 та гол урди. Футболчининг «Антальяспор» билан шартномаси 2027 йил ўрталаргача амал қилади.