Флоренси «Рома» ва «Милан» дурангини таҳлил қилди

Италия терма жамоасининг собиқ футболчиси ҳамда «Милан» таркибида тўп сурган Алессандро Флоренси «Рома» ва «Милан» ўртасидаги учрашувдан кейин ўз фикрларини билдирди. Бу ҳақда euro-football.ru хабар беради.

Флоренсининг айтишича, биринчи бўлимда «Рома» жуда кучли босим ўтказган, бироқ ҳисобни очолмаган. У бунинг сабабларидан бири сифатида дарвозабон Майк Меняннинг аъло ўйинини таъкидлади. Иккинчи бўлимда эса «Милан» учун кўп имконият керак бўлмагани ва жамоа бундан унумли фойдаланганини қайд этди.

Шунингдек, у чемпионлик пойгаси борасида ҳам фикр билдириб, ҳозирча биринчи ўрин масаласи деярли аниқ кўринаётганини, энди кўпроқ иккинчи ўрин учун кураш ҳақида гапириш мумкинлигини айтди.

Эслатиб ўтамиз, А Серия турнир жадвалида «Интер» ҳозирда «Милан»дан беш очко олдинда бормоқда.