«Ал-Наср» Садио Манэ билан келажак бўйича қарор қабул қилди

«Ал-Наср» ҳужумчиси Садио Манэ клубни тарк этишга яқин турибди. Бу ҳақда euro-football.ru хабар беради.

365Scores Arabia хабарига кўра, Саудия клуби сенегаллик футболчига янги шартнома таклиф қилишни режалаштирмоқда. Манэ билан амалдаги келишув эса 2027 йил 30 июнгача мўлжалланган.

Манэ 2023 йилда «Бавария»дан «Ал-Наср» сафига 30 миллион евро эвазига ўтганди. Жорий мавсумда у барча мусобақаларда 17 ўйинда майдонга тушиб, 6 та гол урди ва 6 та голли узатма берди. Transfermarkt портали ҳужумчини 7 миллион еврога баҳоламоқда.

Айни пайтда «Ал-Наср» Саудия Арабистони чемпионати турнир жадвалида 37 очко билан учинчи ўринда бормоқда.